⛰️ZARRÉU FEST 2024

AMA Asturies en collaboración con vecines y profes de Zarréu entama esta sestaferia cultural nel monte del suroccidente asturianu.

Conciertos 🎶, baille tradicional, gaites🥁 , panderetes, actividaes infantiles 🎈, meses redondes, estrenu mundial d'una película d'Alex Galán🎥..., una fin de selmana enllena d'identidá, patrimoniu y cultura asturiana

🗓️ ¿Cuándo? Vienres 28, sábadu 29 y domingu 30 de xunu

📍¿Ónde? En Zarréu, Degaña.

💚Esta sestaferia cultural nun pretende ser un festival al usu. Ye un eventu comuñal que, apuesta pola cultura como pegollu del pueblu. Una lluz que sirva p'allumar el futuru pa esta tierra precisada de proyeutos, emburrie social, curiáu per parte de les alministraciones ya impulsu nel ánimu de la población que faiga espoxigar la zona y a los sos habitantes. Ente toes vamos demostrar que les zones rurales en peligru de despoblamientu n'Asturies nun tán muertes y tienen futuru gracies al trabayu comuñal de la so xente.

🏕️Conciertos y zona d'acampada gratuita tou'l fin de selmana

Cartelu perguapu diseñáu por Alba Velázquez. Podemos ver el nuesu patrimoniu industrial asturianu cola llinia de baldes tresportando'l carbón pel valle y el patrimoniu inmaterial cultural col baille y les muyeres como protagonistes.